ზოდიაქოს რომელი ნიშნით დაბადებული ბავშვები მოიკოჭლებენ სწავლაში და ვისთან გაგიადვილდებათ მეცადინეობა

დაკავშირებით ჩვენი საიტის მკითხველები ხშირად გვიგზავნიან აქტუალურ შეკითხვებს იმის შესახებ, თუ რამდენად წარმატებული იქნება მათი პატარა სწავლაში, რისი ნიჭი ექნება გამოკვეთილად და ა.შ. თქმა არ უნდა, ნებისმიერი მშობელი, რომელსაც წელს პირველად მიჰყავს შვილი სკოლაში დაინტერესებული იქნება თემით - როგორი მოსწავლე შეიძლება იყოს მისი ნაშიერი.

ასტროლოგები თვლიან, რომ განსაკუთრებული გონებრივი მონაცემებით და ინფორმაციის სწრაფად ათვისების უნარით ტყუპის, მერწყულის, მშვილდოსნის, ვერძის, ლომის ზოდიაქოს ნიშანზე დაბადებული პატარები გამოირჩევიან. თუმცა ამ ბავშვებზე ხშირად ამბობენ მასწავლებლები "ნიჭიერია, მაგრამ ზარმაციაო" ამიტომ მათ მშობლებს დიდი მოთმინება და მოდომება სჭირდებათ საიმისოდ, რომ თავიანთი შვილი დისციპლინას, წესრიგსა და რეჟიმში სწავლას მიაჩვიონ.

შედარებით რთულად ითვისებენ სკოლაში მიღებულ ინფორმაციას და შესაბამისად გვიან ახერხებენ საკუთარი პოტენციალის გამოვლენას კუროს, თხის რქის, ქალწულის ნიშნით დაბადებული ბავშვები. სამაგიეროდ, ასეთი პატარები საოცარი მუყაითობით გამოირჩევიან და მიღებულ ცოდნას გაცილებით უფრო ეფექტურად იყენებენ პრაქტიკაში, თუმც კი სწავლის პროცესი ხანგრძლივია ხოლმე მათთვის. სამაგიეროდ, დაგროვილ ინფორმაციას ისინი კარგად იაზრებენ და წლების მანძილზე ახსოვთ.

დაბოლოს, განსაკუთრებული მიდგომა სჭირდებათ როგორც მშობლის, ისე მასწავლებლის მხრიდან კირჩხიბის, მორიელის, თევზებისა და სასწორის ნიშნით დაბადებულ ბავშვებს . ასეთი პატარები სენსიტიური ბუნებით გამოირჩევიან და მათთვის საიმისოდ, რომ კარგად ისწავლონ, არსებულ გარემოს უდიდესი მნიშვნელობა აქვს. ამიტომ დიდი სიფრთხილითა და დაკვირვებით უნდა შეურჩიოთ ზოდიაქოს ამ ნიშნით დაბადებულ ბავშვებს როგორც სკოლა, ისე პირველი მასწავლებელი. თუკი გსურთ, რომ მათ ნიჭისა და შესაძლებლობების მაქსიმუმი გამოავლინონ სწავლის პროცესში.