ზოდიაქოს რომელი ნიშნით დაბადებული ადამიანები არიან ყველაზე გულწრფელები სიყვარულში

ისეთი რამაა, რომლის პერიპეტიებიც მკაცრად ინდივიდუალურია. ამიტომ ორი ადამიანის ურთიერთობის პერსპექტივაზე რომ ვიმსჯელოთ, აუცილებელია მათი პირადი ჰოროსკოპების შედარება. თუმცა ასტროლოგები თვლიან, რომ არსებობენ ზოდიაქოს ნიშნები, რომელთა შორისაც ყველაზე გულწრფელ ადამიანებს ვხვდებით სასიყვარულო კუთხით. ეს ის ხალხია, ვისაც საყვარელი ადამიანის და ურთიერთობების გამო, გარკვეული თავგანწირვაც კი ახასიათებთ. ამიტომ თუკი ზოდიაქოს ამ ნიშნით დაბადებულმა პიროვნებამ შეგიყვარათ, სასურველია, გაუფრთხილდეთ მის გრძნობებს თქვენდამი.

კურო - ერთი შეხედვით გაწონასწორებული, ზედმეტად ზანტი და ინერტულიც კი ჩანს პირველი შეხვედრისას. კუროები, როგორც წესი, გონიერი, მშვიდი ადამიანების შთაბეჭდილებას ტოვებენ ყოველთვის და ასეც არის პრინციპში. მაგრამ არა მაშინ, როცა საქმე სიყვარულს ეხება. სიყვარული კუროსთვის განსაკუთრებული თემაა. ზოდიაქოს ნიშანი, რომლის მფარველიც ვენერა გახლავთ, სხვაგვარი ვერც იქნება პარტნიორულ საკითხში. კუროებმა უზომოდ შეყვარება იციან. ამასთან ერთად, მათ არჩევანზე ვერავინ ვერ ახდენს გავლენას. კუროს შეუძლია მთელ სამყაროს დაუპირისპირდეს საყვარელი ადამიანის და ურთიერთობის დასაცავად.

კირჩხიბი - ემოციური, ინტუიციური, სითბოსა და მზრუნველობის მოყვარული ნიშანია. კირჩხიბები პარტნიორებსა და საყვარელ ადამიანებსაც "დედური" მზრუნველობით ევლებიან თავს. ამ ადამიანებს დიდი სიყვარული შეუძლიათ, თუმცა პოტენციურ პარტნიორს ხანგრძლივად და სიფრთხილით არჩევენ ყოველთვის. კირჩხიბს შეუძლია ოჯახისა და მეუღლის ინტერესების გამო, საკუთარი პირადიც კი დათმოს. ამასთან ერთად, ამ ადამიანებს გააჩნიათ განსაკუთრებული თავგანწირვის უნარი. რის ხარჯზეც შეუძლიათ ზოგჯერ მომაბეზრებლად ყურადღებიანებიც კი იყონ პარტნიორის მიმართ.

თევზები - ასტროლოგიურად თევზების ზოდიაქო ჰუმანიზმის, ქველმოქმედების, სულიერი და ამაღლებული სიყვარულის სიმბოლოა. აქედან გამომდინარე, თევზების ზოდიაქოს ნიშნით ყველაზე დიდი სიყვარულის უნარის მქონე ხალხი იბადება. ეს ის ადამიანები არიან, ვისაც შეუძლია პარტნიორი უანგაროდ უყვარდეს. ამასთან ერთად, მისთვის სულერთია ამ უკანასკნელის მატერიალური თუ ფიზიკური მდგომარეობა. თევზები არასოდეს ტოვებენ გასაჭირში საყვარელ ადამიანებს, უფრო პირიქით - მათ მიმართ სიყვარულის გრძნობა უმძაფრდებათ შეცოდების მოტივით.