ზოდიაქოს სამი ნიშანი, რომელსაც სიყვარულისთვის თავის გაწირვა შეუძლია
გააჩნიათ. ასტროლოგები თვლიან, რომ არსებობს ხალხის კატეგორია, რომელსაც განსაკუთრებული და თავგანწირული სიყვარულის უნარი აქვს. ზოდიაქოს ამ ნიშნის ქვეშ დაბადებულ ადამიანებს ძალა შესწევთ მართლა გულწრფელად, უანგაროდ და რაც მთავარია, ხანგრძლივი ვადით უყვარდეთ პარტნიორი. ამიტომ ჩათვალეთ, რომ ნამდვილად გაგიმართლათ, თუკი თქვენი საყვარელი ადამიანი ქვემოჩამოთვლილი სამი ზოდიაქოს ნიშნიდან რომელიმეს მიეკუთვნება.
კურო - პლანეტა ვენერას მფარველობაში მყოფ კუროებს, გასაოცარი ერთგულება და სიყვარული შეუძლიათ. თუმცა, კუროს გულის მონადირება საკმაოდ ხანგრძლივი და რთული პროცესია. თუ შეძელით და ამ ადამიანს თავი შეაყვარეთ, გჯეროდეთ, მისი გრძნობები თქვენ მიმართ განქორწინების შემთხვევაშიც კი დიდი ხნის მანძილზე გაუხუნარი იქნება.
კირჩხიბი - მთვარე, რომელიც ზოდიაქოს ამ ნიშანს მართავს, მისი მფარველობის ქვეშ დაბადებულებს ანიჭებს გასაოცარ სენსიტიურობას, მზრუნველობის უნარს და უზომოდ ინტენსიურ გრძნობებს. კირჩხიბებმა სამარადჟამო სიყვარული იციან, მათთვის საყვარელი ადამიანის ცხოვრებით ცხოვრება, მათი ფიქრების ამოცნობა ჩვეულებრივი და ბუნებრივი მოვლენაა.
თევზები - ზოდიაქოს მეთორმეტე - ყველაზე მეტი სულიერებითა და სიღრმით გამორჩეული ნიშანი. ნეპტუნი, რომელიც ზოდიაქოს ამ ნიშნის მმართველად ითვლება, თევზებს ანიჭებს ილუზორულ ხასიათს და მეოცნებეობას. ამ ადამიანებს ახასიათებთ საკუთარი პარტნიორი გააღმერთონ და გააიდეალონ. შესაბამისად, თავგანწირულად და აბსოლუტურად უანგაროდ უყვარდეთ იგი.