ზოდიაქოს სამი ნიშნით დაბადებული ქალი, რომელიც ძნელად პოულობს ქალურ ბედნიერებას
ზოდიაქოს სამი ნიშნით დაბადებული ქალი, რომელიც ძნელად პოულობს ქალურ ბედნიერებას
ნებისმიერი ადამიანი ამქვეყნად იბადება იმისთვის, რომ იყოს ბედნიერი და სხვებსაც მიანიჭოს საკუთარი არსებობით ბედნიერება. თუმცა რაოდენ სამწუხაროც არ უნდა იყოს ხშირია ფაქტები, როცა პიროვნება ვერ ახერხებს თავისი ადგილის სწორად პოვნას ცხოვრებაში, ვერ პოულობს შესაფერის მეორე ნახევარს ან იდეალის დევნაში საბოლოოდ მარტო რჩება. ასტროლოგიური კვლევები, რომელიც მარტოხელა ქალებზე ჩატარდა და მათი მარტოობის ძირითად განპირობებელ ფაქტორებზე ძიებას დაეთმო, საბოლოოდ საინტერესო შედეგამდე მივიდა. გთავაზობთ იმ ქალების ტოპ სამეულს ვისაც პირად ცხოვრებაში ყველაზე ხშირად გააჩნია პრობლემები, საკუთარი ზოდიაქოს ნიშნის ნეგატიური თვისებებიდან გამომდინარე.

ვერძი
მისი პრობლემა ზედმეტად აგრესიული ხასიათი, მოუთმენლობა და სიფიცხეა. ვერძი ჯერ ამბობს (მოქმედებს) და მხოლოდ ამის შემდეგ იაზრებს რა ჩაიდინა ან თქვა. გაბრაზებულ გულზე ნებისმიერი ურთიერთობის დანგრევა შეუძლია, თუმცა შემდგომში ხშირად უხდება სანანებლად ეს. მისი ეჭვიანობაც არაერთგზისაა საპირისპირო სქესთან პრობლემების სათავე. ქალი ვერძი სკანდალების დიდოსტატია. ამიტომ უპრობლემოდ შეუძლია ნებისმიერ მამრს თავმოყვარეობა შეულახოს სახალხოდ გამართული ჩხუბითა და აყალმაყალით. იგი იმპულსური და ზედმეტად პირდაპირია, არ ფლობს ქალურ ეშმაკობას და დიპლომატიას, რის გამოც ხშირად ენგრევა ერთი შეხედვით ძალზე პერსპექტიულად შექმნილი ოჯახი. მამაკაცს ძალიან ღლის მისი ჰიპერაქტიური, აგრესიული და ფიცხი ხასიათი.

ქალწული
პრეტენზიული, მეწვრილმანე და ძუნწია. ქალწულის გრძნობები ყოველთვის გონებას ექვემდებარება. ამიტომ ყველაზე დიდი სიყვარულის დროსაც კი (თუ ასეთი არსებობს მის ცხოვრებაში) გონებით საზღვრავს რაში გამოადგება მას ამ კონკრეტულ მამაკაცთან კავშირი და ღირს თუ არა სამომავლოდ მას ცხოვრება ხანგრძლივი ვადით დაუკავშიროს. ხშირად ისეც ხდება, რომ ზედმეტი პრეტენზიულობის გამო ამბობს უარს ვინმესთან ურთიერთობაზე. ზოგიერთი მამაკაცის კბილები არ მოსწონს, ზოგის – ხმის ტემბრი ან მანერები ჭამის დროს. ამ ქალს ზოგჯერ ისეთი წვრილმანები აღიზიანებს გარშემო მყოფების ხასიათში, რომ შეიძლება სერიოზული საგამოძიებო კვლევის ხარჯზეც კი ვერ გაარკვიოთ თუ კონკრეტულად რის გამო დაგიწუნათ და აღარ გააგრძელა თქვენთან ურთიერთობა. მას ძალიან უჭირს ზოგადად, ვინმეს მიღება. თუმცა თუ ადამიანი ბევრი ფიქრისა და აწონ-დაწონვის შემდეგ შემოუშვა საკუთარ ცხოვრებაში, შეიძლება მეორე უკიდურესობაში გადავარდეს და სერიოზული უთანხმოებების შემდეგაც არ მისცეს მას წასვლის და თავისუფლად სუნთქვის საშუალება.

თხის რქა
მოდერნიზებული "ყინულის დედოფალი" – შეიძლება ასე დავახასიათოთ ზოგიერთი ქალი თხის რქა. თხის რქა, მიწის სტიქიის წარმომადგენელია და მისი მფარველი პირქუში, მკაცრი პლანეტა სატურნია. ამიტომ თხის რქის ხასიათში მყარადაა გამჯდარი წესრიგისა და დისციპლინის სიყვარული. შესაბამისად, ქალი თხის რქა მისთვის გასაგები ცხოვრების წესით ცხოვრობს, იშვიათად იცვლის აზრს და კიდევ უფრო იშვიათად ახასიათებს მამაკაცთან მიმართებაში კომპრომისზე წასვლა.
ამ ქალის პრობლემა ემოციური სიცივეც გახლავთ. პარტნიორები ხშირად იცრუებენ გულს მისი მისამართით იმის გამო, რომ მას ნაკლებად ეხერხება სიყვარულის და სითბოს აშკარად აფიშირება. გარდა ამისა, იგი ძალიან დიდ ყურადღებას აქცევს რას იტყვის დედა, ბებია, ბიცოლა ან ბიცოლის ნათესავი მისი პირადი ცხოვრების შესახებ. ზოგადად თხის რქისთვის ოჯახი და ტრადიციები განსაკუთრებულ ფეტიშს წარმოადგენს ცხოვრებაში. ამიტომ არჩევანს პირადი ბედნიერება თუ ნათესავები და მათი აზრი, ქალი თხის რქა ხშირად ამ უკანასკნელთა სასარგებლოდ აკეთებს. საკმაოდ ხშირია შემთხვევები, როცა ზოდიაქოს ამ ნიშნით დაბდებული ქალები, ფაქტობრივად მსხვერპლად ეწირებიან ოჯახისა და სანათესაოს ინტერესებს. ამას აქვს რა თქმა უნდა თავისი პლუსები, თუმცა მსგავსი თავდადების ხარჯზე ქალ თხის რქას ხშირად უწევს პირადი ბედნიერების შანსის ხელიდან გაშვება.

FaceBook Twitter Digg MySpace Delicious Google
ელფოსტაბეჭდვა
უფრო მეტი ამ ზოდიაქოს ნიშანზე
ასტროლოგია საინტერესო და ხშირად ერთობ სახალისო სფეროა.
ამბობენ, რომ იდეალური ურთიერთობები ამ ქვეყანაზე
როგორ გგონიათ, ტყუილის თქმა ოსტატურად
როგორ ფიქრობთ, ბუნებით ერთგული ადამიანი ხართ?
სხვა სიახლეები
რომელი საჭმელი ხართ ზოდიაქოს ნიშნის მიხედვით
ასტროლოგია საინტერესო და ხშირად ერთობ სახალისო სფეროა.
ზოდიაქოს სამი წყვილი, რომელიც ერთმანეთისთვისაა შექმნილი
ამბობენ, რომ იდეალური ურთიერთობები ამ ქვეყანაზე
როგორ იტყუებიან ზოდიაქოს ნიშნები
როგორ გგონიათ, ტყუილის თქმა ოსტატურად
ასევე დაგაინტერესებთ