ზოდიაქოს რომელი ნიშნით დაბადებული ადამიანები ქმნიან ყველაზე ხშირად ჰარმონიულ და სტაბილურ ოჯახებს
ზოდიაქოს რომელი ნიშნით დაბადებული ადამიანები ქმნიან ყველაზე ხშირად ჰარმონიულ და სტაბილურ ოჯახებს
ალბათ ნებისმიერ ადამიანს აქვს სურვილი და მისწრაფება, რომ ჰარმონიური ოჯახი შექმნას და პარტნიორთან თანაცხოვრება მაქსიმალური თანხმობისა და სიმშვიდის ფონზე წარმართოს. თუმცა, ადამიანები ერთმანეთისგან აბსოლუტურად განსხვავებული ინდივიდები არიან. შესაბამისად, ხშირად ხდება ისე, რომ ერთი შეხედვით პერსპექტიულად დაწყებულ ოჯახურ კავშირს, მალე კონფლიქტები და გაუგებრობები უთხრის ძირს... ასტროლოგებს მიაჩნიათ, რომ იმას თუ რამდენად აქვს ადამიანს ტიპური მეოჯახის თვისებები და შესაბამისად, რამდენად ჰარმონიულად ახერხებს იგი ლავირებას პარტნიორულ ურთიერთობაში, ხშირად ზოდიაქოს ნიშნის მთავარი მახასიათებლებიც განაპირობებს... გთავაზობთ ზოგად სტატისტიკას:

ვერძების უმეტესობას უჭირს მშვიდი და ჰარმონიული ოჯახის შექმნა. იმიტომ რომ, მათი ინტერესები უფრო კარიერული მიღწევებისკენაა მიმართული. მეტ-ნაკლებად მშვიდი კავშირი შესაძლებელია მათთვის კუროს, ლომის, მერწყულის ნიშნით დაბადებულ პარტნიორთან.

კუროები ხშირ შემთხვევაში ბრწყინვალე მეოჯახეები გამოდიან. ქალებიც და კაცებიც პრიორიტეტს ანიჭებენ ოჯახს და მის ინტერესებს. კარგია მათთვის თხის რქა, კირჩხიბი, ქალწული პარტნიორი.

ტყუპები ცვალებადი ხასიათით გამოირჩევიან. ამიტომ ოჯახს რამდენჯერმეც კი ქმნიან. მათთვის რთულია ხანგრძლივი ვადით რუტინის ატანა. კარგი პარტნიორი ტყუპისთვის შეიძლება იყოს სასწორი, მერწყული, ლომი, მშვილდოსანი.

კირჩხიბები მოწოდებითა და სულით მეოჯახეები არიან, ამიტომ მათგან შესანიშნავი მეუღლეები გამოდიან. იდეალურად უგებს კიბო ქალწულს, თევზებს, თხის რქას, კუროს.

ლომს მუდმივად სიყვარული სწყურია, ამიტომ ხშირად ანგრევს ოჯახს და ეძებს ახალ რომანტიკულ თავგადასავლებს. მისთვის კარგი პარტნიორია ვერძი, სასწორი, მშვილდოსანი, ტყუპი.

ქალწული ძნელად მიდის დაოჯახების გადაწყვეტილებამდე. მაგრამ თუ დაოჯახდა, იდეალური და მზრუნველი მეორე ნახევარი ხდება. მისთვის კარგია კუროსთან, თხის რქასთან, კირჩხიბთან კავშირი.

სასწორი მერყევი და არცთუ სტაბილური პარტნიორია. სირთულეებს გაურბის, როგორც წესი. მისთვის კარგია მერწყულთან, ლომთან, ტყუპთან და მშვილდოსანთან ურთიერთობა.

მორიელი აღმერთებს, როცა სიტუაციას მართავს. ოჯახი მისთვის საიმედო ციხესიმაგრეა და მართვის სადავეები ყოველთვის მყარად უჭირავს ხელში. მისთვის კარგია თხის რქასთან, კირჩხიბთან, თევზებთან კავშირი.

მშვილდოსანი ყველაზე ნაკლებადაა მიდრეკილი ქორწინებისკენ. შესაბამისად, ოჯახური ვალდებულებები მისთვის ძალზე მომაბეზრებელი და მძიმეა. მისთვის კარგია მერწყული, ტყუპი, სასწორი ან ლომი პარტნიორი.

თხის რქა იდეალური მეოჯახე და მზრუნველი მეორე ნახევარია. თუმცა დაოჯახებამდე დიდხანს იღებს ამ გადაწყვეტილებას. მისთვის კარგია მორიელი, კურო, ქალწული ან კირჩხიბი პარტნიორი.

მერწყულს ნებისმიერი სახის ვალდებულებები აშინებს. ამ მხრივ ყველაზე მეტად ეშინია მას ქორწინების. მისთვის კარგია ტყუპი, სასწორი, ვერძი ან მშვილდოსანი პარტნიორი.

თევზები ვალდებულებებს არ გაურბის, მაგრამ ურჩევნია, ეს ვალდებულებები სხვას გადააბაროს. ამიტომ მათთვის უფრო მყარი ფსიქიკის მქონე და ყოჩაღი პარტნიორია მიზანშეწონილი. კარგია თხის რქა, მორიელი, ლომი ან კურო.


FaceBook Twitter Digg MySpace Delicious Google
ელფოსტაბეჭდვა
უფრო მეტი ამ ზოდიაქოს ნიშანზე
ასტროლოგია საინტერესო და ხშირად ერთობ სახალისო სფეროა.
ამბობენ, რომ იდეალური ურთიერთობები ამ ქვეყანაზე
როგორ გგონიათ, ტყუილის თქმა ოსტატურად
მზე ყველაზე სამეფო ზოდიაქოს ნიშანში გადავიდა
სხვა სიახლეები
რომელი საჭმელი ხართ ზოდიაქოს ნიშნის მიხედვით
ასტროლოგია საინტერესო და ხშირად ერთობ სახალისო სფეროა.
ზოდიაქოს სამი წყვილი, რომელიც ერთმანეთისთვისაა შექმნილი
ამბობენ, რომ იდეალური ურთიერთობები ამ ქვეყანაზე
როგორ იტყუებიან ზოდიაქოს ნიშნები
როგორ გგონიათ, ტყუილის თქმა ოსტატურად
ასევე დაგაინტერესებთ