ყველაზე შურიანი და ინტრიგანი ზოდიაქოს ნიშნები
ყველაზე შურიანი და ინტრიგანი ზოდიაქოს ნიშნები
სამწუხაროდ, დღევანდელი რეალობა ისეთია, რომ ცხოვრებაში დიდი ნაწილი ადამიანების ზუსტადაც რომ სხვების ჯიბრსა და ქიშპობაში ხარჯავს ცხოვრების საუკეთესო წლებს - არადა, ბედნიერების ფორმულა სავსებით მარტივია, იყო კმაყოფილი და მადლიერი იმით, რაც გაქვს, რომ სამომავლოდ უფრო მეტი წინსვლის შანსი მიიღო კოსმოსიდან.

დღეს მინდა ზოდიაქოს იმ ნიშნის წარმომადგენლებზე ვისაუბრო, ვისაც სტატისტიკურად ყველაზე მეტად აქვს გამოვლენილი საკუთარ ხასიათში სხვების მიმართ შურისა და მეტოქეობის მოთხოვნილება. თუ თქვენი თავი ჩამოთვლილ "ოქროს სამეულში" აღმოაჩინეთ, ასტროლოგებზე კი ნუ დაიბოღმებით - საკუთარ თავზე უფრო მეტი იმუშავეთ და მერწმუნეთ, გაცილებით უფრო ბედნიერი გახდებით, თუკი სამომავლოდ თავს ნაკლებად შეადარებთ სხვებს და მხოლოდ საკუთარი ცხოვრებით იქნებით ბედნიერი და კმაყოფილი.

კირჩხიბი - ასტროლოგებს მიაჩნიათ, იმ შემთხვევაში თუ კირჩხიბი მკაცრი და ემოციურად მშობლების გარემოცვაში იზრდება, სამომავლოდ მას აუცილებლად ჩამოუყალიბდება გარკვეული არასრულფასოვნების კომპლექსი საკუთარი პერსონის უსუსურობის გამო. მან შესაძლოა დუბლირება მოახდინოს იმ თვისებების, რომელიც მის დედას ან მამას გააჩნდა ბავშვობაში და დიდ ასაკში უკვე გარშემო მყოფების მიმართ გამოავლინოს ისეთი ადამიანების მიბაძვის სურვილი, ვინც მას რაღაცით აგონებს საკუთარ მშობელს. ხშირად კირჩხიბი ამას გაუცნობიერებლადაც სჩადის. თუმცა, თუ მაინც აცნობიერებს ყველაფერს, შურისა და კონკურენციის გრძნობას ღიად არასოდეს გამოხატავს. მას ურჩევნია ფარულად, "კარგი მეგობრის" სტატუსით გაუთხაროს ზურგს უკან ორმო იმ ხალხს, ვისი წარმატება და ნიჭიერებაც მისთვის მიბაძვის საგანია. მხოლოდ და მხოლოდ იმიტომ, რომ სამომავლოდ მისი ადგილი დაიკავოს სამსახურში ან საზოგადოებაში.

ლომი
- ამაყი და უზომოდ ამბიციური ზოდიაქოს ნიშანია, ვინც მათ იცნობს ამაში უდავოდ დამეთანხმება. თუმცა ლომის შემთხვევაშიც აღზრდის პრინციპები და მშობლების მისდამი დამოკიდებულება თამაშობს უდიდეს როლს იმაში, თუ საბოლოოდ როგორ პიროვნებად ჩამოყალიბდება იგი. თუ მას პატარა ასაკში ზედმეტად ანებივრებდნენ მშობლები, დიდობაში მოინდომებს იგი საზოგადოების მხრიდან მუდმივი "გუნდრუკის კმევას". თუმცა, რა დამსახურების გამო ეს თავადაც არ ეცოდინება. სოციუმი კი მოგეხსენებათ, უბრალოდ ისე არავის აიყვანს საყოველთაო ყურადღების კვარცხლბეკზე. ლომები, რომელთაც ბავშვობიდან ფუქსავატ ადამიანებად ზრდიდნენ, დიდობაში კაცთმოძულე და საოცრად შურიან ინდივიდებად ყალიბდებიან. ხშირად, ისინი უკანონო გზებით სიარულსაც არად დაგიდევენ იმის გამო, რომ ყურადღების ცენტრში მოახერხონ მოხვედრა. ლომისთვის ხომ შავი პიარიც დიდი პიარია.

თხის რქა -
ლომს არათუ ჩამოუვარდება, ხშირად დიდად უსწრებს ამბიციებში. თუმცა, თხის რქა ლომივით ღიად და აშკარად არასოდეს გამოხატავს საკუთარ ამბიციურ ბუნებას. ამ ადამიანებს აქვთ კიდევ ერთი დიდი ნაკლი - პესიმიზმის დიდი დოზა ხასიათში. ამიტომ თხის რქა, რომელიც ცხოვრებაში კარიერულად და პროფესიულად შეუმდგარი პიროვნებაა, რიგი მიზეზების გამო, ძალზე ხშირად ხდება კაცთმოძულე და ბოღმიანი პიროვნება, რომელსაც ძალიან უყვარს გარშემო მყოფებთან საკუთარი პერსონის ტრაგიკულობაზე საუბარი და ამით საყოველთაო ყურადღების მიქცევა. ადამიანები, რომელთაც გამუდმებით ახასიათებთ თავის შეცოდება, არანაკლები დოზით არიან ეგოისტები შინაგანად - თხის რქაც, სავსებით შეესაბამება ზუსტად ამ მოდელს.

FaceBook Twitter Digg MySpace Delicious Google
ელფოსტაბეჭდვა
უფრო მეტი ამ ზოდიაქოს ნიშანზე
მაინც რა არის ბედნიერება? ზოგისთვის შესაძლოა იგი
ალბათ ძალიან ბევრ ქალს ახალგაზრდა ასაკში უჭირს
მამაკაცთა უმრავლესობისთვის ქალი ამოუხსნელი ფენომენია,
ასტროლოგები თვლიან, რომ ზოდიაქოს ნიშანი განაპირობებს ადამიანის
ასტროლოგები თვლიან, რომ ოქტომბერი ყოველთვის
სხვა სიახლეები
როდის არიან ბედნიერი ზოდიაქოს ნიშნები
მაინც რა არის ბედნიერება? ზოგისთვის შესაძლოა იგი
ზოდიაქოს ბებიები
ალბათ ძალიან ბევრ ქალს ახალგაზრდა ასაკში უჭირს
ზოდიაქოს რომელი ნიშნით დაბადებული ადამიანები მდიდრდებიან იშვიათად
ფინანსური სტაბილურობა, ალბათ ნებისმიერი ჩვენგანის
ასევე დაგაინტერესებთ