ზოდიაქოს რომელი ნიშნით იბადებიან ყველაზე ერთგული და მოსიყვარულე ქმრები
ზოდიაქოს რომელი ნიშნით იბადებიან ყველაზე ერთგული და მოსიყვარულე ქმრები
ალბათ იშვიათია მამაკაცი, რომელიც თავს იდეალურ მეოჯახედ ან მეუღლედ არ მიიჩნევს. თუმცა, თუკი ასეთები არსებობენ კიდეც, ასეთ ინდივიდებს არც იმის აღიარება რცხვენიათ, რომ ოჯახი მათი საქმე არაა. ასტროლოგებს მიაჩნიათ, რომ მამაკაცები სხვადასხვა ფსიქოტიპის პერსონებად იყოფიან ზოდიაქოს მიხედვით. ამიტომ კონკრეტული ნიშნებიც არსებობენ, ვისაც ჩანსახშივე აქვს მიდრეკილება იყოს კარგი მეუღლე და პარტნიორი. მაშინ როცა სხვები ლამის მთელი ცხოვრება ანდომებენ ამის გაცნობიერებას.

ამ მხრივ საუკეთესო პოტენციური ქმრების სამეულიც არსებობს. გადახედეთ იქნებ მათ შორის თქვენი რჩეულიც აღმოაჩინოთ.

კურო - სტაბილურობის მოყვარული ინდივიდია. არ უყვარს ცვლილებები, მათ შორის არც პარტნიორების კუთხით. თუმცა, თუკი ის ატიპურთა რიცხვს განეკუთვნება, შესაძლოა არ იყოს მთლად ასე. კურო მიწის ნიშანია, მოსწონს საკუთარი ცხოვრების ნაბიჯ-ნაბიჯ შენება, აფასებს კომფორტსა და ერთგულებას. თავადაც აქვს უნარი იყოს კარგი ქმარი, ერთგული პარტნიორი და მზრუნველი მეორე ნახევარი, თუკი იგივეს პარტნიორის მხრიდანაც ხედავს. კურო ძნელად იღებს გადაწყვეტილებას, ამიტომ მისთვის ლოდინი მოგიწევთ, სანამ იგი საბოლოოდ ჩამოყალიბდება და მიხვდება, რომ თქვენ ხართ მისი ჭეშმარიტი მეორე ნახევარი. თუმცა მერწმუნეთ, ლოდინი ღირს ამად.

კირჩხიბი - ძალიან მოსიყვარულე, მზრუნველი და ერთგული ქმარია. კირჩხიბს მიჯაჭვულობა ახასიათებს მეორე ნახევრის მიმართ, რომელიც საკმაოდ მყარ ურთიერთობებს ნიშნავს. მართალია, ცოტა ბუტია და ფხუკიანია ოჯახურ ცხოვრებაში, მაგრამ რეალურად მასზე უფრო მზრუნველ პარტნიორს ვერსად იპოვნით. იგი ყველაფერში დაგეხმარებათ - დაწყებული საოჯახო საქმეებითა და შოპინგით, დამთავრებული ბავშვის აღზრდით. რაც მთავარია, მისთვის ეს სასიამოვნო იქნება და არა რაღაც მძიმე ტვირთი ან მოვალეობა. კირჩხიბი ოჯახის ინტერესებს ყველაფერზე წინ აყენებს ამქვეყნად, ამიტომ მისთვის ყოველთვის წინა პლანზე იქნებით. თუმცა, აქ არის ერთი კომპრომისის აუცილებლობა - პატივი უნდა სცეთ მის დედას, იმიტომ რომ, დედაზე წინ ამ მამაკაცისთვის ცოლი ვერასოდეს დგება.

თხის რქა - ემოციურად ცოტა ცივი, საშინლად ჯიუტი, მაგრამ ძალიან ერთგული და საიმედო მეორე ნახევარია. მისი ემოციები თანდათან "თბება", ამიტომ რაც მეტ წლებს მოითვლის უკან თქვენი ოჯახი, მით უფრო რბილი და მზრუნველი გახდება თქვენი ქმარი თხის რქა, რომელიც ახალგაზრდობაში უფრო მოზომილი ტემპერამენტით გამოირჩეოდა. თხის რქები უზომოდ ერთგული ქმრები არიან. მათთვის მარტივია საკუთარ თავზე აიღონ ოჯახური ტვირთის მთელი სიმძიმე და მეორე ნახევარი მაქსიმალურ კომფორტში ამყოფონ ამ მხრივ. შესაძლოა იგი ცოტა მკაცრი და მომთხოვნი იყოს პერიოდულად, თუმცა თუკი ამ ნაკლს უგულებელყოფთ, მთლიანობაში თხის რქა ერთ-ერთი საუკეთესო კანდიდატურაა პოტენციური მეორე ნახევრის პოზიციაზე მისთვის, ვინც ცხოვრებაში მყარ დასაყრდენს ეძებს.

FaceBook Twitter Digg MySpace Delicious Google
ელფოსტაბეჭდვა
უფრო მეტი ამ ზოდიაქოს ნიშანზე
მაინც რა არის ბედნიერება? ზოგისთვის შესაძლოა იგი
ალბათ ძალიან ბევრ ქალს ახალგაზრდა ასაკში უჭირს
როგორ გგონიათ, სიმშვიდე ხასიათის თანდაყოლილი თვისებაა
მამაკაცთა უმრავლესობისთვის ქალი ამოუხსნელი ფენომენია,
ასტროლოგები თვლიან, რომ ზოდიაქოს ნიშანი განაპირობებს ადამიანის
ასტროლოგები თვლიან, რომ ოქტომბერი ყოველთვის
სხვა სიახლეები
სამი ყველაზე სუსტი ნებისყოფის მქონე მამაკაცი ზოდიაქოს ნიშნის მიხედვით
როგორც ფსიქოლოგები ამტკიცებენ, ძლიერი სქესის წარმომადგენლებსაც ისეთივე დოზით (თუ უფრო მეტად არა) ახასიათებთ გულჩვილობა და მოწყვლადი ემოციები,
ასევე დაგაინტერესებთ